Сәлахова Гөлфия Әсхать кызы

1972 нче елның 26 нчы августында Чистай районы Шахмай авылында укытучылар гаиләсендә туганмын. 1979-89 нчы елларда Шахмай урта мәктәбендә укый. 1989-93 нче елларда Яр Чаллы дәүләт педагогия институтының башлангыч белем бирү педагогикасы һәм методикасы факультетында белем ала. Гөлфия – 200 елга якын педагогик эш тәҗрибәсе булган укытучылар династиясенең дәвамчысы. Сайлаган профессиясе буенча туган авылы Шахмайда 1993 нче елда эшен башлый. 2005 нче елдан I категорияле укытучы. Мәктәптә башлангыч сыйныф укучылары белән бию түгәрәге алып бара. 2005 нче елда район буенча түгәрәк җитәкчеләре арасында үткәрелгән “Йөрәгемне балаларга бирәм” конкурсында катнашып “Иң яхшы түгәрәк җитәкчесе” булып танылды, грамота белән бүләкләнде. Балалар тәрбияләү эше буенча ирешкән уңышлары белән районда үткәрелгән “Сыйныф җитәкчесе – 2005” конкурсында катнашып I урынга лаек булды.