Кәбиров Илшат Тәбрис улы

1956 елның 23 февралендә Чистай районы Шахмай авылында туган. Әнисе укытучы, әтисе агроном булып эшләгән. 1973 елда Шахмай урта мәктәбен тәмамлап, Чистай шәһәрендә военкомат юлламасы буенча шоферлар әзерли торган курсны тәмамлый. 1974- 1976 елларда СССР Хәрби кораллы көчләре составында армия хезмәтендә була. 1976-1980 нче елларда КДПИ ның физика факультетында белем ала. Шуннан бирле Шахмай урта мәктәбендә укыта. Тормыш иптәше Хәдичә белән өч кыз үстерәләр.